Contra a libertade de expresión
Sae hoxe no xornal, o caso de dous blogs da provincia de Pontevedra que foron denunciados polo dirixentes do PP, segundo estos, por mor dunhas montaxes, na que todo hai que dicilo, non saen moi ben parados, pero que non deixa de ser unha situación cómica, polo menos dende a miña modesta opinión.
Esta foto correspondese ao www.camba2.blogspot.com, onde aparecen unha serie de fotomontaxes onde os populares da vila da festa do albariño saen desta guisa. a min non me parecen ofensivas as fotos e do pouco que lin, pois tampouco vexo nada grave e falo dende a distancia e sin saber moito da vida política municipal dese pobo.
O outro blog e ogrobe.blogspot.com, da localidade do Grove, onde por certo, non ten nada que ver co tema, estiven fai uns anos de veraneo e é un sitio moi recomendable e no polo marisco. Aquí, tres cuartos do mesmo, denuncia polas manifestacións vertidas.
A pregunta pode ser, cal é o resultado de todo este lío? Pois qu estes dous blogs multiplicaron as súas visitas durante estes días, case dúas mil en ámbolos dous casos.
Esta claro que o noso gremio non anda moi familiarizado coas TIC´s, pero compredemos o seu funcionamento; aos políticos, aínda lle quedan dous pasos maís que a nos para darse conta da forza da rede, o cal sempre da certa satisfación, aínda ca este pode ser o defecto menos grave da clase política.
Informándome no meu pobo dinme conta de que moitos xovenes teñen blogs de caracter político e neles poñen a parir aos seus rivais, sobre todo con humor, pero dó ámbito local non sae o tema. O que non se pode é ter controlado todo, que é o que queren algúns, e estes espacios dannos a liberdade de expresarnos como no pete, lle guste a quen lle guste.E esto é so o principio
