Unha idea solidaria relacionada coas novas tecnoloxías
Durante as navidades o meu pai mercou un ordenador portátil que lle valeu máis de mil euros (agora xa vale douscentos menos, cousas da fluctuación dos mercados). Durante as vacacións lin en numerosos sitios a noticia do ordenador portátil dos cen euros, pero sinceramente, co ocupada que estaba, non lle puiden prestar moita atención. Pero no xornal de onte, na eidición de “Ciberpais” aparecía un artigo no que se explicaba ese método e pareime a lelo para saber exactamente de que iba.
O novo ordenador, destinado nun primeiro momento para o seu uso nos países menos desenvolvidos, parte da idea de mellorar a educación no mundo a través deste aparato, chamado XO, onde a nova tecnoloxía xoga un papel fundamental. Esta iniciativa enmárcase nun proxecto chamado OLPOC (One Laptop per Child). Nun principio, o seu uso vai a ser para unha serie de países que reúnen as condicións que citaba ao principio. Destacamos a Ruanda, Brasil ou Tailandia. A idea do seu creador, Michail Bletsas (na foto) e conseguir afianzar o seu proxecto nestes países e despois “exportar” a idea cara os países máis desenvolvidos.Está claro que no trasfondo da noticia hai unha importante razón comercial, pero polo menos é una forma de achegar a nova tecnoloxía cara os países con menos recursos.
