Xa levo un par de días sin andar por estos lares e teño que dicir que non era por ganas, senón máis ben por falta de tempo. E non é porque non teña o ordenador disponible. Onte estiven dende as nove e media da mañán ata as once e media da noite pegado a el, pasando a limpo os traballos e parando tan so unha hora para comer e outra para cear. Un auténtico “tute” que me deixou a espalda un pouco fastidiada e iso que a silla é cómoda.
Deixando a un lado a miña vida, que supoño que non lle interesara a ninguén, creo que hai un par de noticias que merecen ser resaltadas. Acabou a feira de electrónica de Las Vegas e dentro dos múltiples inventos (lembremos que había máis de dous mil expositores) chamoume a atención o que aparece nesta foto onde estas dúas mozas (por que sempre nos escollen para todo o que teña que ver co sexo?) amosan o que se da en coñecer como preservativo para o móbil, para impedir que lle entre a auga. Seguro que terá éxito.
A outra noticia é a do caderno de bitácora de María Amelia, a vella máis popular de España. Onte chegou as 50.000 visitas do seu blog. Tendo en conta que os seu neto Daniel llo regalou o 23 de decembro, botade contas, en vinte días, 50.000 entradas, danos unha media de 2.500 entradas por día que non está nada pero que nada mal. Xa me gustaría a min ter tal demanda de visitas neste meu blog.
Por último un aviso a navegantes; un tribunal francés ven de multar a un internauta galo pola descarga de películas de internet. Non terá que ir a cadea pero ollo para todos aqueles que andan no submundo das descargas e copias variadas. Pensandoó ben, tamén e mala sorte para o pobre tipo ese. Coa de milleiros de persoas que fan iso todolos días e vaille a tocar a él.
